പള്ളിക്കൂടം

എന്റെ മോഹം

2009-09-16T20:26:00.003+05:30

കാണാമറയത്തെ കാട്ടിലെവിടെയോ
ഏഴിലം പാലകള്‍ പൂത്തല്ലോ.....
വെണ്ണിലാവിന്‍ നിറമാര്‍ന്ന പൂക്കള്‍
കാറ്റില്‍ ചൊരിഞ്ഞു സുഗന്ധപൂരം.

കാറ്റു വന്നെന്നെ പുണരുമ്പോള്‍
പാടാതിരിക്കുവതെങ്ങനെ ഞാന്‍
മാനത്തു പാടിപ്പറന്നിടുന്ന
രാപ്പാടിയാകാനെനിക്ക് മോഹം.

ഹമ്ന ഫസല സി (9എ)

സ്വാതന്ത്ര്യ ദിന ചിന്തകള്‍ .

2009-08-14T19:15:00.003+05:30

വാക്കുകള്‍ എങ്ങനെയാണ് ആശയങ്ങളുടെ മാതാവാകുന്നത് ?പ്രത്യേകിച്ചും സ്വാതന്ത്ര്യം പോലുള്ള ചിലവാക്കുകളുടെ.ആ ഒരു വാക്ക് ഭൂത വര്‍ത്തമാന ഭാവികാലങ്ങളെ ഉള്‍ക്കൊള്ളുകയും വിചാരണചെയ്യുകയും
ചെയ്തുകൊണ്ടിരിക്കുന്നു. ആ ഒരു വാക്ക് മാറുന്ന ,നാം മാറ്റിക്കൊണ്ടിരിക്കുന്ന മൂല്യങ്ങളെക്കുറിച്ച് നമ്മെബോധ്യപ്പെടുത്തിക്കൊണ്ടിരിക്കുന്നു. കാരണം സ്വാതന്ത്ര്യം എന്ന വാക്കിന്റെ ,സ്വാതന്ത്ര്യം എന്ന
ആശയത്തിന്റെ അര്‍ത്ഥം നമുക്ക്‌ ഇപ്പോഴും പിടികിട്ടിയിട്ടില്ല. ഇനിയൊട്ടു പിടികിട്ടുകയുമില്ല. സഹനം, ത്യാഗം, ആത്മസമര്‍പ്പണം എന്നിവയൊക്കയും അന്യം നിന്നുപോയിരിക്കുന്നു. സ്വാര്‍ഥത അര്‍ബുദംപോലെ സമൂഹത്തെ ഗ്രസിച്ചു കഴിഞ്ഞു . മുതലാളിത്തത്തിന് മുമ്പില്‍ നട്ടെല്ല് നാം പരമാവധി വളച്ചുകഴിഞ്ഞു .സ്വാതന്ത്ര്യം എന്റെ ജന്മാവകാശമാണെന്ന് പറയുവാന്‍ ഇനി ആരും ജനിക്കുകയില്ല. കാരണം നമുക്ക്‌ സ്വാതന്ത്ര്യം എന്നുള്ളത് ചരിത്രപുസ്തകം മാത്രമാണ്. ആ ഒരു കാലത്തു ജീവിച്ചിരുന്നില്ല എന്നതാണ് നമ്മുടെ വലിയ നഷ്ടം. ആ നഷ്ടത്തെ നികത്തുവാന്‍ ,ആ കടം വീട്ടുവാന്‍ നമുക്ക്‌ നമ്മുടെമാതൃരാജ്യത്തെ സ്നേഹിക്കാം. നമുക്കുവേണ്ടി ചോര ചിന്തിയവരെ ഒരു നിമിഷം ഓര്‍ക്കാം. എല്ലാവര്‍ക്കും
"പെണ്‍കുട്ടിയുടെ " സ്വാതന്ത്ര്യ ദിനാശംസകള്‍.
വിദ്യാരംഗം പ്രസിദ്ധീകരിക്കുന്ന പെണ്‍കുട്ടി മാസികയുടെ മുഖപ്രസംഗം -ഓഗസ്റ്റ്‌ 2009

മഴ

2009-07-21T19:22:00.004+05:30

എന്റെ കൂട്ടുകാരിയാം മഴ
ജന്നാലക്കരികില്‍ നിന്നു മുട്ടിവിളിക്കുന്നു
കാലില്‍ കൊലുസ്സണിഞ്ഞു
നൃത്തം ചെയ്യും മഴ.

അത് മുറ്റത്തു വിതറുന്നു
പവിഴ മണികള്‍
എന്റെ കാതില്‍ സംഗീതമായി
അത് പെയ്തിറങ്ങുന്നു

അത്
എന്നോട്‌ കിന്നാരം പറഞ്ഞ്
എന്നില്‍ കുളിരുനിറച്ച്
എന്നെ സാന്ത്വനിപ്പിച്ച് ............അങ്ങനെ .

ഹര്‍ഷ പി 8A

ഓര്‍മയിലെ നക്ഷത്രങ്ങള്‍....

2009-06-27T19:12:00.005+05:30

അങ്ങനെ മാധവിക്കുട്ടിയെന്ന കമലാദാസ് എന്ന കമലസുരയ്യയും യാത്രയായി. വിവാദങ്ങളുടെ ഈലോകത്തുനിന്ന്. അത്മഭാവങ്ങള്‍ പൂത്തുലഞ്ഞിരുന്നു അവരുടെ എഴുത്തില്‍. കനത്ത പ്രഹരശേഷിയായിരുന്നു അവയ്ക്ക്. വായനക്കാരെ അത് പലപ്പോഴും ഞെട്ടിച്ചു. പലപ്പോഴും ആഹ്ലാദഭരിതരാക്കി. സ്നേഹമാണ് ജീവിതത്തിന്റെ ഊര്‍ജം എന്നാവര്‍ത്തിച്ചുകൊണ്ടിരുന്നഈ വലിയ എഴുത്തുകാരിക്ക് "പെണ്‍കുട്ടിയുടെ" ആദരാഞ്ജലികള്‍.
* * * *
മലയാളഭാഷയുടെ സുല്‍ത്താന്‍, വൈക്കം മുഹമ്മദ്‌ ബഷീര്‍ നമ്മെ വിട്ടു പോയിട്ട് ഈ ജൂലൈ 5നു15വര്‍ഷംതികയുന്നു. അത്മാനുഭവങ്ങളുടെ പ്രകാശനമായിരുന്നു ബഷീറിന് എഴുത്ത്. അതിലൂടെഅദ്ദേഹം വായനക്കാരെ നവീകരിച്ചുകൊണ്ടിരുന്നു. ചെറിയതെന്നു നമ്മള്‍ കരുതുന്ന കാര്യങ്ങള്‍വലിയവയെന്ന് തന്റെ എഴു‌ത്തിലൂടെ അദ്ദേഹം തെളിയിച്ചു . ഭാഷയെന്ന ആയുധം എങ്ങനെഉപയോഗിക്കണമെന്ന അദ്ദേഹം തിരിച്ചറിഞ്ഞിരുന്നു. അതുപോലെത്തന്നെ പെണ്ണവസ്ഥകളുടെചിത്രീകരണത്തിലും അദ്ദേഹം മിടുക്ക് തെളിയിച്ചു. കുഞ്ഞു പാത്തുമ്മയും പാത്തുമ്മയും സുഹറയുംസാറാമ്മയും നാരായണിയും .അവരുടെ ലോകങ്ങള്‍. അവരുടെ ഇടങ്ങള്‍.
* * * *

* * * *
'അമ്മ മരിക്കുന്നത് കുട്ടിയുടെ മുഖം ഓര്‍ത്തുകൊണ്ടാണ്. അവസാനത്തെ ഓര്‍മസ്നേഹത്തിന്റെതായിരിക്കും. സ്നേഹമില്ലാതെ എനിക്ക് കവിതയില്ല. സ്നേഹം നഷ്ടപ്പെട്ട ജീവിതങ്ങള്‍ഇലയും ശിഖരവും നഷ്ടപ്പെട്ട മരങ്ങള്‍ മാത്രമാണ്. വികാരങ്ങളെ അനശ്വരമാക്കുകയാണ് സാഹിത്യം.
രാധയും കൃഷ്‌ണനുംതമ്മിലുള്ള സ്നേഹം പോലെയാണ് അത്.' ......മാധവിക്കുട്ടി.

വിദ്യാരംഗം പ്രസിദ്ധീകരിക്കുന്ന "പെണ്‍കുട്ടി മാസികയുടെ"മുഖപ്രസംഗം.2009ജൂലൈ .

കുസൃതിക്കണക്ക്

2009-06-17T19:36:00.004+05:30

കൂട്ടുകാരെ,
ഇതാ വലിയ ഒരു ഗുണന സംഖ്യ .
0*1*2*3*4*5*6*7*8*9
ഉത്തരം മുപ്പതു സെക്കന്റ്‌ കൊണ്ടു കണ്ടുപിടിക്കൂ.

നൗഫില പി 5 ബി

പുതിയ അധ്യയന വര്‍ഷം-പ്രതീക്ഷകള്‍,സ്വപ്‌നങ്ങള്‍....

2009-06-01T20:19:00.006+05:30

പുതിയ അധ്യയനവര്‍ഷം അതിന്റെ എല്ലാ പുതുമകളോടും കൂടി കടന്നുവന്നിരിക്കുന്നു. ചെയ്തു തീര്‍ക്കേണ്ടഒരുപാടു ജോലികള്‍, കാണാന്‍ കഴിയുന്ന ഒരുപാടു സ്വപ്‌നങ്ങള്‍....ലക്ഷ്യ ബോധത്തോടെ ,ചിട്ടയായപ്രവര്‍ത്തനങ്ങളിലൂടെ പോവുകയെന്നു പുതുവര്‍ഷം നമ്മോടു പറഞ്ഞുകൊണ്ടിരിക്കുന്നു. വിജയങ്ങള്‍നമ്മുടെതാക്കാന്‍ നാം പ്രവര്‍ത്തിച്ചുകൊണ്ടേയിരിക്കണം.പരാജയങ്ങളോട് മധുരമായി പുഞ്ചിരിച്ച്പ്രതികാരം ചെയ്തു നാം മുന്നോട്ടു പോകണം. . ആത്മവിശ്വാസമാണ് പ്രധാനം. എഴുതിയും വായിച്ചുംചിന്തിച്ചും നമുക്ക്നമ്മുടെ ലോകത്തെ പുതുക്കിപ്പണിയാം.പ്രത്യേകിച്ചും പെണ്‍കുട്ടികളുടെ ലോകത്തെ. കാരണം വരാനിരിക്കുന്ന കാലം അത്ര ശുഭകരമല്ല. പുതിയതെല്ലാം പഴകുകയും പഴകുംതോറുംഅഴുകുകയും ചെയ്യുന്ന ലോകത്തെ ആത്മവിശ്വാസത്തോടെ നേരിടാന്‍, ഓരോ പരാജയത്തെയുംവിജയമാക്കി മാറ്റാന്‍ അറിവിന്റെ വിശാലമായ ലോകം നമുക്ക് മുന്നില്‍ തുറന്നുകിടപ്പുണ്ട്.അവയെപരിപൂര്‍ണമായി ഉപയോഗിക്കുമ്പോള്‍ മാത്രമെ നാം ജീവിതത്തിന്റെ കോണിപ്പടികള്‍ കയറുവാന്‍പ്രാപ്തരാവൂ.
(വിദ്യാരംഗം കലാ സാഹിത്യ വേദി പ്രസിദ്ധീകരിക്കുന്ന പെണ്‍കുട്ടി മാസികയുടെ മുഖപ്രസംഗം -ജൂണ്‍ 2009)

ഉന്നതം, ഈ വിജയങ്ങള്‍.

2009-05-15T20:04:00.003+05:30

ഇക്കഴിഞ്ഞ എസ്‌ എസ്‌.എല്‍.സി, ഹയര്‍ സെക്കന്ററി പരീക്ഷകളില്‍ ഈ വിദ്യാലയത്തിലെ വിദ്യാര്‍ത്ഥിനികള്‍ ഉന്നത വിജയം കരസ്ഥമാക്കി.395 വിദ്യാര്‍ത്ഥിനികള്‍ ആണ് എസ്‌.എസ്‌.എല്‍.സി. പരീക്ഷ എഴുതിയത്. അതില്‍385 പേര്‍ വിജയിച്ചു.ഹയര്‍ സെക്കന്ററിയില്‍90 %ആണ് വിജയം.സ്കൂള്‍ പി.ടി.എയുടെയും മലപ്പുറം നഗരസഭയുടെയും നിതാന്ത പരിശ്രമമാണ് ഈ വിജയത്തിനുപിന്നിലുള്ളത്.

നിന്നോട്‌ ഞാന്‍ പറയുന്നത്..

2009-05-01T19:17:00.004+05:30

എരിഞ്ഞുതീരുമെന്‍ മനസ്സിന്‍ അകത്താളില്‍
മഞ്ഞിന്‍ കണങ്ങള്‍ പോഴിച്ചതല്ലേ നീ.
സാഗരതീരത്ത് കാറ്റു കൊള്ളും നേരം
മണല്‍ കൊട്ടാരം പണിയാന്‍ വന്നതല്ലേ നീ.
കുറിഞ്ഞി പൂക്കുന്ന കാലമെന്നെയും
കൊണ്ടു പോകാംഎന്നോതിയതല്ലേ നീ
തണുത്ത കാറ്റാല്‍ വിറകൊള്ളും നേരത്ത്
സ്നേഹ പുതപ്പാല്‍ എന്നെ മുടിയതല്ലേ നീ
കടലില്‍ നടുവിലെ കാണാ കൊട്ടാരത്തില്‍
കൊണ്ടു പോകാമെന്ന് മോഹിപ്പിച്ചതല്ലേ നീ...
എന്നിട്ടും ........
എന്നില്‍ വിരിഞ്ഞ സ്നേഹത്തിന്‍ പനിനീര്‍പ്പൂ
പിച്ചിപ്പറിച്ചു കളഞ്ഞുവല്ലോ നീ....
ഫൈറൂസ ഇ (+2)

പിടഞ്ഞമരുന്ന നിലവിളികള്‍

2009-04-18T19:25:00.005+05:30

സ്ത്രീ........

നീ ഓര്‍ക്കുന്നുവോ...
നീ വന്നത് അവളില്‍ നിന്നായിരുന്നു.
ഭൂമിയുടെ മാതാവായ അവള്‍
നിലാവുപോലെ പുഞ്ചിരി തൂകി

നന്മയുടെ വിളക്കേന്തി നിന്നു
പക്ഷെ,മറ്റാര്‍ക്കോവേണ്ടി അവള്‍
വിപണിയുടെ ഉപ്പായി.
ദുരന്തം കടലുപോലെ അവളെ
വെള്ള പുതപ്പിച്ചു.
അവളുടെ ഹൃദയം പിടഞ്ഞമരുമ്പോള്‍
പിറക്കാനിരിക്കുന്ന കുഞ്ഞുങ്ങളുടെ നിലവിളികള്‍
നിന്നെ വന്നു തൊട്ടുകൊണ്ടേയിരിക്കും.

ബുഷറ ടി.പി.(+2)

സ്വപ്നത്തിന്റെ വന്‍‌കരകള്‍.

2009-04-02T19:05:00.007+05:30

പിറന്നു വീഴുന്നത് കരഞ്ഞു കൊണ്ടു തന്നെ .
ഭയപ്പാടില്ലാതെ ഗര്‍ഭപാത്രത്തില്‍ അന്തിയുറങ്ങി-
കുസൃതി കാട്ടിയൊടുവില്‍
തലയും കുത്തി യഥാര്‍ത്ഥ ലോകത്തിലേക്ക്‌.

പ്രഭാതവും പൊട്ടിയാണ് വിടരുന്നത്.
കോപം കൊണ്ടാണ് സൂര്യന്‍ തുടുത്തത്.
പ്രതിഷേധമായി കാക്കകള്‍ കരഞ്ഞു
വെളിച്ചം മുഖത്തടിച്ചപ്പോള്‍.

ചീവീടുകള്‍ നൃത്തം വക്കുന്നു:
പാട്ടു പാടുന്നു.
എരണ്ടകള്‍ കൂട്ടമായി ഇരുട്ടിലേക്ക് .
സ്വപ്‌നങ്ങള്‍ അവസാനിക്കുന്നില്ല.
ഫര്‍സാന കെ (+2)

ഒന്നും പറയാതെ..........

2009-03-13T19:52:00.004+05:30

എന്‍ കണ്ണിലെ ബാഷ്പം
എന്നിലെ സന്തോഷമായി
നിന്നില്‍ പ്രതിഫലിച്ചു.
എന്‍ ഉയിരിലെ പ്രണയം
വക്കുടഞ്ഞ കളിപ്പാട്ടമായി
നീ വ്യാഖ്യാനിച്ചു
ഒരു വാക്കു ചൊല്ലി
ഒരായിരം വാക്കിനായി കാതോര്‍ത്തു .
പക്ഷെ, മൌനം മാത്രം ബാക്കിയായി.
ആ മൌനത്തിന്റെ തീവ്ര വ്യഥയില്‍
ഏകയായി ഞാന്‍ പടി ഇറങ്ങട്ടെ.
ഒന്നും പറയാതെ,
യാത്രാമൊഴി ഓതാതെ.
സഹല തസ്നീം. എന്‍ (+2)

സ്നേഹത്തെക്കുറിച്ച് ഒരു ഉപന്യാസം.

2009-03-03T20:09:00.004+05:30

സ്നേഹത്തിന്റെ നാലുമണിപ്പൂക്കള്‍ക്ക്
വിരിയുവാന്‍ ഇനിയും നേരമുണ്ട്.
കൊട്ടിയടക്കപ്പെട്ട ജാലകങ്ങള്‍ക്ക്മുമ്പില്‍
ഒരുതരി പ്രതീക്ഷ ഇനിയും ബാക്കിയുണ്ട്.
സ്നേഹം ലക്ഷ്യം വയ്ക്കുന്നത്
നക്ഷത്രങ്ങളെ മാത്രമായിരുന്നു .
ആ ആവനാഴി നിറയെ അനുഭൂതികളായിരുന്നു
ജീവിതം വിരുന്നൊരുക്കുകയാണ്.
ക്ഷണിക്കാന്‍ ഇനിയും ഏറെ ബാക്കിയാണ്.
നശ്വരമെങ്കിലും കാത്തിരിപ്പു ഞാന്‍
കാരണം ജീവിതവും സ്നേഹവും ഒരുപോലെയാണ്.

റോസ്ന വി(+1)

സ്പ്രിംഗ്,സമ്മര്‍, ഫാള്‍, വിന്റര്‍ ......ആന്‍ഡ് സ്പ്രിംഗ്.

2009-02-20T19:54:00.004+05:30

അന്താരാഷ്ട്ര ഫിലിം മേളകളില്‍ ഈയിടെയായി പ്രേക്ഷക ശ്രദ്ധ ഏറ്റുവാങ്ങിയ സംവിധായകനാണ്ദക്ഷിണ കൊറിയക്കാരനായ കിം കിദുക്.തീക്ഷ്ണമായ ജീവിത പരിസരങ്ങളും കുറ്റമറ്റ ഷോട്ടുകളുംമനോഹരങ്ങളായ ലോക്കേഷനുകളും ദുക് സിനിമകളുടെ പ്രത്യേകതയാണ്. ഇതില്‍ നിരൂപകപ്രേക്ഷക ശ്രദ്ധ പിടിച്ചുപറ്റിയ സിനിമയാണ്2003 ഇല്‍ പുറത്തിറങ്ങിയ സ്പ്രിംഗ്,സമ്മര്‍, ഫാള്‍, വിന്റര്‍.....ആന്‍ഡ് സ്പ്രിംഗ്.
മനോഹരമായ തടാകതീരത്തുള്ള ദേവാലയത്തില്‍ ബുദ്ധമാര്‍ഗംപഠിപ്പിക്കുന്ന ഗുരുവുമൊത്ത് താമസിക്കുന്ന ഒരു കൌമാരപ്രായക്കാരന്റെ കഥയാണിത്. ഗുരുവിന്റെഅടുക്കല്‍ ചികില്‍സക്കെത്തിയ പെണ്‍കുട്ടിയുമായി അവന്‍ ശാരീരികബന്ധത്തില്‍ ഏര്‍പ്പെടുന്നു. പാപഭാരം കൊണ്ടു അവിടെനിന്നു ഒളിച്ചോടിയെങ്കിലും ആസക്തി അവന്റെ ജീവിതത്തെനരകതുല്യമാക്കി. ഒടുവില്‍ ആത്മീയ സാക്ഷാത്ക്കാരം തേടി അവന്‍ ഗുരുവിന്റെ അടുത്തേക്കുതന്നെതിരിച്ചെത്തുന്നു. മനുഷ്യ ജീവിതത്തിലെ നാലു ഘട്ടങ്ങളെയും പ്രകൃതിയിലെ നാലു ഋതുക്കളേയുംബന്ധപ്പെടുത്തി നെയ്തെടുത്ത ഈ കഥ പ്രേക്ഷകരില്‍ പുതിയ അവബോധം സൃഷ്ടിക്കുന്നു.
ജീവിതത്തിന്റെ നൈരന്തര്യത്തെയും മരണത്തിന്റെ അനിവാര്യതയെയുംമോക്ഷത്തിനു വേണ്ടിയുള്ള മനുഷ്യന്റെ അന്വേഷണങ്ങളെയും ഒരു കുട്ടിയുടെ കഥയിലുടെആവിഷ്ക്കരിക്കുകയാണ് ഈ സിനിമയില്‍.
കിം കിദുകിന്റെ ഈ സിനിമ ഒരേ സമയം കാഴ്ച്ചയുടെ ആഘോഷവുംആത്മാവിന്റെ ഭക്ഷണവുമാകുന്നു
ഹുസൈന്‍ വാളപ്ര

നവ സാങ്കേതിക വിദ്യ പ്രതിക്കൂട്ടില്‍ ....?

2009-02-08T19:23:00.009+05:30

നവസാങ്കേതിക വിദ്യ ചെറുപ്പക്കാര്‍ക്കിടയില്‍, പ്രത്യേകിച്ചും വിദ്യാര്‍ഥികള്‍ക്കിടയില്‍ സൃഷ്ടിക്കുന്നഅരാജകത്വത്തെക്കുറിച്ചുള്ള ചര്‍ച്ച നമ്മുടെ മാദ്ധ്യമങ്ങളില്‍ സജീവമായിക്കൊണ്ടിരിക്കുന്നു. ഇന്റര്‍നെറ്റ്,മൊബൈല്‍ ഫോണ്‍ എന്നീ സാങ്കേതികതകള്‍ സ്ഥല ദേശ കാലങ്ങളെ അട്ടിമറിക്കുകയുംലോകം ഒരു ക്ളിക്കിലേക്ക് ചുരുങ്ങുകയും ചെയ്യുന്നു. മനുഷ്യന്റെ മുന്നേറ്റ ചരിത്രത്തെഅടയാളപ്പെടുത്തുന്ന ഈ നേട്ടങ്ങള്‍ പക്ഷെ, കോട്ടങ്ങളായി പൊതു സമൂഹം വിലയിരുത്തുകയുംഇടപെടുകയും ചെയ്യുന്നു. പുതുതലമുറ ഇവ മോശം കാര്യങ്ങള്‍ക്കായി ഉപയോഗിക്കുന്നു എന്നാണുആരോപണം. ഈ ആരോപണം ഉന്നയിക്കുന്നവര്‍ പക്ഷെ, അതിനുള്ള ഔഷധം നിര്‍ദേശിക്കുന്നുമില്ല. ഉള്ള ഔഷധമാകട്ടെ നിരോധനമാണുതാനും. യഥാര്‍ത്ഥത്തില്‍ ഇതാണോ വേണ്ടത്...?യഥാര്‍ത്ഥ പ്രതിഇന്റര്‍നെറ്റും മൊബൈല്‍ ഫോണും ആണോ ?അതോ അതുപയോഗിക്കുന്നവര്‍ക്ക് അവയോടുള്ളസമീപനമാണോ? നവസാങ്കേതിക വിദ്യയോടുള്ള ചെറുപ്പക്കാരുടെ സമീപനം മാറുകയുംബോധവല്ക്കരണം നടത്തി മാറ്റുകയും ചെയ്യാനുള്ള ശ്രമങ്ങളാണ് നടക്കേണ്ടത്. അല്ലാതെ അവയെപാടെ അവഗണിക്കാനുള്ള മനസ്ഥിതി വളര്‍ത്തി എടുക്കല്‍ അല്ല.
(വിദ്യാരംഗം കലാസാഹിത്യ വേദി പ്രസിദ്ധീകരണമായ "പെണ്‍കുട്ടി മാസിക"യുടെ മുഖപ്രസംഗം. ഫെബ്രുവരി2009)

അവന്‍

2009-01-27T19:06:00.006+05:30

മിന്നല്‍ എനിക്കെന്നും ഹരമാണ്.
പണ്ടു മഴ നനഞ്ഞും മിന്നല്‍ കാണുമായിരുന്നു .
അപ്പോള്‍ കൌതുകത്തിന് കൂട്ടായി ഭയവും ഉണ്ടായിരുന്നു.
ഇപ്പോള്‍ മിന്നലിനെ പേടിയില്ല.
മഴയില്‍ മിന്നല്‍ കൈവളയണിഞ്ഞു യാത്ര പോവുക മനോഹരമാണ്.
ആ മരണം പോലും എത്ര മധുരതരം...

റോസ്ന വി

അതെല്ലാം മറന്നേക്കൂ

2009-01-18T20:38:00.003+05:30

ആദ്യ ചുംബനം നല്കി മറഞ്ഞ

വണ്ടിനെയോര്‍ത്ത്
കണ്ണുനീര്‍ വാര്‍ക്കുമെന്‍ മൌന നീലാംബരി..
വണ്ടിനു നീയൊരു പാനപാത്രം മാത്രം .
പിന്നെയുമെന്തിനീ കാത്തിരിപ്പെന്‍ പൂവേ?
വസന്തങ്ങള്‍ പിറക്കാനിരിക്കെ
എന്തിനീ വിരഹവേദന..?
അശ്രുകങ്ങള്‍ക്ക് വിടചൊല്ലിയിനി
പുഞ്ചിരി പൊഴിക്കൂ നീ
ഒരു പുതുവസന്തത്തിനായി .

സൌമ്യ സി

വരണ്ട കാലത്തെ പ്രാര്‍ത്ഥനകള്‍

2009-01-04T19:25:00.011+05:30

മരണം ശ്വസിക്കുകയായിരുന്നു അച്ഛന്‍.
ഇലകളില്‍ പതിഞ്ഞു വീശുന്ന കാറ്റില്‍ ,പുതപ്പു നീക്കിയ ഓറഞ്ച് അല്ലികളുടെ നിഷ്കളങ്ക മധുരത്തില്‍, സാന്ധ്യ വെളിച്ചത്തിന്റെ വിളര്‍ച്ചയില്‍ മരണം അതിന്റെ മുദ്ര പതിച്ചിരിക്കുന്നു.
ആശുപത്രി ഒരു കോട്ടയാണ്. ഇരുട്ടിന്റെ നിറമുള്ള മരണത്തിന്റെ കോട്ട.
അച്ഛനരികില്‍ അയാള്‍ ഇരുന്നു. പച്ചപുതപ്പിട്ട ഇരുമ്പ് കട്ടിലില്‍ അച്ഛന്‍ ഒറ്റയ്ക്ക്. അച്ഛന്റെ ശോഷിച്ചനെഞ്ചിന്‍കൂട്ടില്‍ വെള്ളരി പ്രാവുകള്‍ കുറുകി.
ഒരിക്കല്‍ അച്ഛന്‍ മുഖവുര ഇല്ലാതെ പറഞ്ഞു. ഞാന്‍ മരിച്ചാല്‍ ബോഡി കുട്ടികള്‍ക്ക് കൊടുക്കണം. അവര്‍ പഠിക്കട്ടെ.
ഉള്ളിലെ ക്ഷോഭം മറച്ചുവച്ച് അന്നയാള്‍ തലകുലുക്കി. ലോകത്തിന്റെ ക്ഷേമത്തിനുവേണ്ടി ജീവിച്ചഅച്ഛന്‍ മരണശേഷം അതെ ലോകത്തിനു തന്നെ വിട്ടു കൊടുക്കുന്നു.
പക്ഷെ ഇന്നലെ,
ഇന്നെലെയാണ് അവര്‍ വന്നത്. ചലനങ്ങളില്‍ പോലും കൃത്യത പാലിച്ചു അവരില്‍ ഒരാള്‍ പറഞ്ഞു. അച്ഛന്‍ മരിച്ചാല്‍ ബോഡി ഞങ്ങള്‍ക്കു തരിക. പണം തരാം. സ്വാശ്രയ കോളേജ് ആണ്.
എന്ത് പറയണമെന്നറിയാതെ അന്തിച്ചു നില്‍ക്കവേ ഫോണ്‍ നമ്പര്‍ തന്നു അവര്‍ പോയി.
അപ്പോള്‍ പ്രാരാബ്ധങ്ങളുടെ പെരുക്കപ്പട്ടിക അയാളെ തൊട്ടു. മക്കളുടെ പഠിത്തം ,ബാങ്ക്‌ ലോണുകള്‍ .....
അയാള്‍ അച്ഛനെ നോക്കി. കണ്ണുകള്‍ അടച്ചു ഏതോ ഓര്‍മകളില്‍ സ്വയം നഷ്ട്ടപ്പെട്ടു കിടക്കുകയാണ്അച്ഛന്‍. നരച്ച പട്ടുപോലുള്ള മുടിയിഴകള്‍ പതിയെ ഇളകി.
ഒരു മരണം കൊണ്ടു മറ്റൊരു ജീവിതം രക്ഷപ്പെടുമെങ്കില്‍ അതില്‍ എന്താണ് തെറ്റ്..?അയാള്‍സ്വയം വിചാരണ ചെയ്യാന്‍ തുടങ്ങി. നാളെ ഒരുപക്ഷെ ,തന്റെ മരണത്തിനായി മക്കള്‍ പ്രാര്‍ത്ഥിക്കും.
അതിന്റെ ഒരു തുടക്കമെന്നോണം അയാള്‍ കണ്ണുകളടച്ചു അച്ഛന്റെ മരണത്തിനായി പ്രാര്‍ത്ഥിക്കാന്‍തുടങ്ങി.

ഹൃദയം തകരുന്ന ശബ്ദം

2008-12-25T19:38:00.006+05:30

നിന്‍ മുറിവില്‍ നിന്നൊഴുകുന്ന രക്തം
തകര്‍ന്ന എന്‍ ഹൃദയത്തില്‍ നിന്നാകട്ടെ.
നിന്‍ കനവില്‍ വിരിയുന്ന പുഞ്ചിരി
എന്‍ മൃത ശയ്യയില്‍ നിന്നാകട്ടെ.
നിന്നോട് എനിക്കുള്ള സ്നേഹം
മഷിത്തണ്ടു കൊണ്ടു മയ്ക്കാനാവില്ല.
നീ എന്നെ ശപിച്ചാലും
ഞാന്‍ മോക്ഷത്തിനായ്‌ കാത്തിരിക്കും.
എന്‍ ഹൃദയത്തെ ആയിരം കഷ്ണങ്ങളാക്കി
നീ മുറിച്ചു വിറ്റാലും
നിനക്കായ് അത് മിടിച്ചുകൊണ്ടിരിക്കും.
നിന്‍ തംബുരുവിന്റെ താളം
തകര്‍ന്ന എന്‍ ഹൃദയത്തിന്‍ താളമാകട്ടെ.
വിനീഷ വി

ഖലീല്‍ ജിബ്രാന്‍

2008-12-12T19:39:00.000+05:30

സെഡാര്‍ വൃക്ഷതോപ്പുകളും കുന്നുകളും തടാകങ്ങളും മഞ്ഞു പൊഴിയുന്ന പുലരികളും നിലാവൊഴുകുന്ന രാത്രികളും.....ദൈവത്തിന്റെ അപാരമായ അനുഗ്രഹങ്ങള്‍ നിറഞ്ഞ ലബനോനിലെ ആ "വിശുദ്ധ താഴ്വര"യില്‍ ഖലീല്‍ ജിബ്രാന്‍ പിറന്നു .സ്നേഹവും സംഗീതവും ജീവിതവും ത്യാഗവും തന്റെ മിസ്റ്റിക് കാവ്യങ്ങളിലൂടെ ലോകത്തെ പഠിപ്പിച്ചു അദ്ദേഹം. മതത്തിന്റെ ചങ്ങലകള്‍ പൊട്ടിച്ച് സ്വതന്ത്രരാവാന്‍ അദ്ദേഹം ആഹ്വാനം ചെയ്തു. ആദ്യപ്രണയം ദുരന്തത്തില്‍ കലാശിച്ചപ്പോള്‍ അത് ജിബ്രാന്റെ ഹൃദയത്തിനേറ്റ വലിയൊരു മുറിവായി. തന്റെഹാലദാഹിര് ഒരു ബിഷപ്പിന്റെ അനന്തിരവന്റെ പത്നിയായപ്പോള്‍ ജിബ്രാന്‍ തകര്‍ന്നുആ തകര്‍ച്ചയില്‍ നിന്നു കരകയറാന്‍ ജിബ്രാന്‍ തെരഞ്ഞെടുത്തത് നോവലിന്റെ മാര്‍ഗം ആയിരുന്നു. അങ്ങനെ ഒടിഞ്ഞ ചിറകുകളിലൂടെ അദ്ദേഹം ഹാലാദാഹിരിനെ സലമകരാമി എന്ന പേരില്‍ പുനസ്രിഷ്ട്ടിച്ചു.മുപ്പതിഎട്ടാം വയസ്സില്‍ ആ സൂര്യന്‍ കാലയവനികക്കുള്ളില്‍ മറഞ്ഞു.

ഫൈരൂസ ഇ

ടീവി സീരിയലുകള്‍ മലയാളിയോട് ചെയ്യുന്നത് .

2008-11-30T18:38:00.000+05:30

കേരളീയ സമൂഹത്തിന്റെ നവോഥാനത്തില്‍ നമ്മുടെ ടീവി സീരിയലുകള്‍ വഹിക്കുന്ന പങ്കെന്ത് എന്ന ചോദ്യം ,ഒരു പങ്കുമില്ല എന്ന കൃത്യമായ ഉത്തരത്തിലേക്ക്‌ നമ്മെ നയിക്കുന്നു. പിന്നെ എന്തിന് കാണുന്നുവെന്ന് ചോദിച്ചാല്‍ വെറുതെ എന്നാവും ഉത്തരം. പക്ഷെ, നിരുപദ്രവമെന്ന് നമ്മള്‍ വിശ്വസിക്കുന്ന ഈ നേരംപോക്ക് പ്രേക്ഷകമനസ്സിലേക്ക്,പ്രത്യേകിച്ചും കുട്ടികളുടെ മനസ്സിലേക്ക് ഒളിച്ചുകടത്തുന്ന ആയുധങ്ങള്‍ ,അവയുടെ മൂര്‍ച്ച എത്രയുന്ടെന്നറിയുവാന്‍ നാം അധികമൊന്നും കാത്തിരിക്കേണ്ടിവരികയില്ല.കാരണം പുരോഗമന ആശയങ്ങളില്‍ നിന്ന് പിന്തിരിപ്പന്‍ മതാത്മക ആശയങ്ങളിലേക്കുള്ള കേരളീയ സമൂഹത്തിന്റെ പിന്മടക്കം അനേകം ഉദാഹരണങ്ങളില്‍ നിന്ന്,സംഭവങ്ങളില്‍ നിന്ന് മാധ്യമങ്ങളില്‍നിന്നു നാം തിരിച്ചറിയുകയും പ്രതികരിക്കാതിരിക്കുകയും ചെയ്യുന്നുണ്ട്. നിസ്സംഗത മലയാളിയുടെ മുഖമുദ്രയായി മാറിയിരിക്കുന്നു. ഇത്തരമൊരവസ്ഥയില്‍ ജാതി മത ധ്രുവീകരണത്തിന് ആക്കം കൂട്ടുക എന്ന ക്ഷുദ്രകര്‍മ്മമാണ് നമ്മുടെ സീരിയലുകള്‍ നിര്‍വഹിക്കുന്നത്. സ്ത്രീ വിരുദ്ധ ആശയങ്ങളുടെ സമ്മേളന ഇടങ്ങളാണ് സീരിയലുകള്‍. പരമ്പരാഗത സ്ത്രീ സംങല്‍പ്പങ്ങളുടെ വാര്‍പ്പുകള്‍. ചിന്തിയ്ക്കാന്‍ കഴിയാത്ത ,സംവദിക്കാന്‍ കഴിയാത്ത ,ചോദ്യങ്ങള്‍ ചോദിയ്ക്കാന്‍ കഴിയാത്ത ഒരു തലമുറയുടെ സൃഷ്ട്ടിയിലൂടെ മാത്രമെ കേരളത്തിലെ ഭാവിതലമുറയെ തങ്ങളുടെ ആലയില്‍ തളച്ചിടാന്‍ കഴിയൂ എന്ന് ജാതി മത ശക്തികള്‍ക്കറിയാം.അതിനുള്ള ഭൂമിക സീരിയലുകള്‍ ഒരുക്കിക്കൊടുതുകൊണ്ടിരിക്കുകയാണ്.

ഒരു ഒടിഞ്ഞ ചില്ലയെന്കിലും........

2008-11-19T10:47:00.000+05:30

ഇന്നു ഞാനൊരു പ്രാവിനെ കണ്ടു.എന്റെ മാത്രം ലോകമായ എന്റെ മുറിക്കു മുകളില്‍ അത് കൂടൊരുക്കിയിരിക്കുന്നു.രാത്രി കാതോര്‍ത്തിരുന്നാല്‍ അതിന്റെ കുറുകല്‍ കേള്ക്കാം. ഇണയോടുള്ള അതിന്റെ പ്രണയപരിഭവങ്ങള്‍രാത്രികളില്‍ ഞാന്‍ കേള്‍ക്കാറുണ്ട് . മനുഷ്യഭാഷക്കുമപ്പുറത്തു സ്നേഹത്തിന്റെ നിരവുണ്ട് അവരുടെ ഭാഷക്ക്. ഇപ്പോള്‍ ആ പ്രാവ് തനിച്ചായിരിക്കുന്നു. കാറ്റിന്റെ വേഗം കൊണ്ടായിരിക്കാം അതിന് പറക്കാന്‍ കഴിയുന്നുണ്ടായിരുന്നില്ല. ഒരു ഒടിഞ്ഞ മരച്ചില്ലയെന്കിലും കിട്ടിയിരുന്നെന്കില്‍ അതിന് അവിടെ അഭയം പ്രാപിക്കാമായിരുന്നെന്നു എനിക്ക് തോന്നി. പക്ഷെ...

പുസ്തകത്തില്‍ മനസ്സുറക്കാതെ ആ കാഴ്ചയില്‍ ഞാന്‍ ഉഴറി. എവിടേയോ ഒരു നൊന്ബരം.പലരും എന്നോട് പറയാറുണ്ട് "നിനക്കു സ്നേഹിക്കാനെ അറിയൂ. ആരെയും വേദനിപ്പിക്കാന്‍ നിനക്കു കഴിയില്ല."
അതെ,അത് മാത്രമെ എനിക്ക് കഴിയു .
.മറ്റൊരു സ്നേഹം തുളുമ്പുന്ന ഹൃദയത്തെ സ്നേഹം നല്കി സ്വന്തമാക്കി . അവിടയാണോ എനിക്ക് പിഴച്ചത്...?എന്റെ കണ്ണില്‍ അല്ലെങ്കിലും സമൂഹത്തിന്റെ കണ്ണില്‍ ആ സ്നേഹം പിഴവുതന്നെയായിരുന്നു. പ്രതിവിധിയില്ലാത്ത തെറ്റ്.ഇന്നെന്റെ മനസ്സ്അലയുകാണ്.കാറ്റിനോടും പുഴയോടും പച്ചപ്പുകലോടും ഞാന്‍ചോദിച്ചു. ആരും കേട്ടില്ല. സമൂഹത്തിനുവേണ്ടി ഞാന്‍ കുഴിച്ചുമൂടിയ എന്റെ സ്നേഹത്തിനുവേണ്ടി ഞാന്‍ മൂന്നുലോകങ്ങളിലും തിരഞ്ഞു. ഇതാ, ഭ്രാന്ത് എന്നെ കീഴ്പ്പെടുത്തുന്നു. ഞാന്‍ പൊട്ടിത്തെറിക്കുന്നു. അതിന്റെ ഒച്ചയില്‍ സമൂഹം കിടുങ്ങും .
ഒരു പക്ഷെ ഇതു തന്നെയാണോ ആ പ്രാവിനും സംഭവിച്ചിരിക്കുകഅത് തേടുന്നതും നഷ്ടസ്നേഹം തന്നെയാണോ? അറിയില്ല.ഇനി ഒരിക്കലും ഞാന്‍ അതറിയില്ല.
ഫര്‍സാന കെ

Lisa Kay jewelry

മലയാളി മാറുന്നുവോ....?

2008-10-31T14:28:00.000+05:30

കേരളത്തിന്റെ ഓരോ ജന്മദിനവും നാം മലയാളികളാണ് എന്ന അവബോധത്തെ ,ഓര്‍മയെ തിരിച്ചുകൊണ്ടുവരുന്നു. മലയാളത്തെ, മാതൃഭാഷയുടെ മഹത്വത്തെ ,അതിന്റെ സ്വത്വത്തെ മറന്നിരിക്കുന്നവര്‍ക്ക് പൊടുന്നനെ ഉണ്ടാകുന്ന ഒരു തിരിച്ചറിവ്. പക്ഷെ, മലയാളമെന്നത്‌ നമ്മുടെ രക്തത്തില്‍നിന്നുഒരു കളപോലെ ഉപേക്ഷിച്ചിട്ട് കാലമേറെയായി. മാതൃഭാഷയുടെ മഹത്വത്തെ കുറിച്ചു ഉള്ളുതുറന്നു പാടിയ മഹാകവികളെയും നാം മറന്നിട്ടു കാലമേറെയായി. നാം അന്ഗീകരിച്ചാലും ഇല്ലെങ്കിലും നമ്മുടെ ചാനല്‍ അവതാരകര്‍ ,ന്യൂസ് വായനക്കാര്‍ ,രാഷ്ട്രീയക്കാര്‍ തുടങ്ങി എല്ലാവരുംകൂടെ ഭാഷയെ കൊന്നുകൊണ്ടിരിക്കുന്നു. അവര്‍ "കുരച്ചുകുരച്ചു" പറയുന്ന മലയാളം നാം യഥാര്‍ത്ഥ ഭാഷയാണെന്ന് തെറ്റിദ്ധരിച്ചിരിക്കുന്നു. അല്ലെങ്ങില്‍ അങ്ങനെ ഉച്ചരിക്കുന്നതാണ് മേന്മ എന്ന് കരുതിയിരിക്കുന്നു. മാതൃഭാഷ അമ്മയാണ് എന്ന് നാം പറയുമ്പോഴും നമ്മുടെ കുട്ടികള്‍ ഇംഗ്ലീഷ് വിദ്യാലയംങളില്‍ പഠിക്കുന്നു. കുതിരകളായി നടിക്കുന്ന കഴുതകളാണ് എന്നത് തന്നെയാണ് മലയാളിയുടെ യഥാര്‍ത്ഥ പ്രശ്നം .ഈ പ്രശ്നത്തെ കുറിച്ചുള്ള ചിന്തയും പരിഹാരവുമാണ് ഈ കേരളപ്പിറവിദിനം മുന്നോട്ടുവക്കുന്നത്.

Discount DVD Movies

തനിയെ

2008-10-22T15:24:00.001+05:30

നിനക്കായി കാത്തിരുന്നു‌ ഞാന്‍
എന്റെ സ്വപ്നങ്ങളില്‍ നിറയെ നീ ആയിരുന്നു.
എന്റെ ഹൃദയം ഒരു ഘടികാരം പോലെ
മിടിച്ചുകൊണ്ടിരുന്നു...
എന്റെ സ്വപ്‌നങ്ങള്‍ കൂടുപോളിച്ചുപുറത്തിറങ്ങി.
അവയ്ക്ക് പതിയെ ചിറകുകള്‍ കിളിര്‍ത്തു.
പ്രതീക്ഷയോടെ നിന്നെ ഞാന്‍ നോക്കി.
പക്ഷെ, നീ പോയി.
എനിക്കറിയാത്ത വഴികളിലൂടെ
ഞാന്‍ അറിയാത്ത വഴികളിലുടെ
നീ പോയി.
തോരാത്ത മിഴികളുമായി
ഈ മഴയില്‍
ഞാന്‍ ഒറ്റയ്ക്ക്...
സൌമ്യ സി

Discount DVD Movies

എലിപ്പത്തായം

2008-10-04T13:13:00.000+05:30

വിഖ്യാത സംവിധായകനായ ശ്യാംബെനങലിന്റെ അഭിപ്രായത്തില്‍ ഇന്ത്യയില്‍ ഇന്നു ജീവിച്ചിരിക്കുന്ന ഏറ്റവും പ്രധിഭാധനനായ സിനിമാസംവിധായകന്‍ അടൂര്ഗോപലകൃഷ്ണനാണ്. അദ്ധേഹത്തിന്റെ പേരുകേട്ട സിനിമയാണ് എലിപ്പത്തായം. ഈ സിനിമ കേരളത്തിലെ ജന്മിത്ത വ്യവസ്ഥയുടെ തകര്‍ച്ചയും അതുണ്ടാക്കുന്ന പ്രത്യാഘാതങ്ങളും അനാവരണം ചെയ്യുന്നു. ക്ഷയിച്ചുകൊണ്ടിരിക്കുന്ന ഒരു തറവാട്ടിലെ കാരണവരായ ഉണ്ണി രണ്ടു സഹോദരിമാരോടോപ്പമാണ് കഴിയുന്നത്‌. ചുറ്റും നടക്കുന്ന സാമൂഹ്യ_രാഷ്ട്രീയ മാറ്റങ്ങള്‍ അയാള്‍ അറിയുന്നില്ല. മൂത്ത സഹോദരി വേരയാണ് താമസം. രണ്ടാം സഹോദരി രാജമ്മയുടെ ജീവിതം ഉണ്ണിയെ ചുറ്റിപ്പറ്റിയാണ്. ഇളയ സഹോദരി ശ്രീദേവിക്ക് പ്രതിഷേധത്തിന്റെ മുഖമുണ്ട്. ധാരാളിത്തത്തിന്റെ ഭൂതകാലത്തിനും അസുഖകരമായ വര്‍ത്തമാനത്തിനും മദ്ധ്യേ ഉഴലുകയാണ് ഉണ്ണി. അയാള്‍ ഭ്രാന്തനാകുന്നു. പ്രതീകാത്മകമായ ഷോട്ടുകളാല്‍ സമ്പന്നമാണ് ഈ സിനിമ. -ഹുസൈന്‍ വാളപ്ര

ഗാന്ധിജിയുടെ പ്രസക്തി

2008-10-03T12:47:00.000+05:30

മറ്റുള്ളവര്‍ക്കായി ജീവിക്കുകയും മറ്റുള്ളവര്‍ക്കായി മരിക്കുകയും ചെയ്ത ഒരാളിന്റെ ഓര്‍മ കലണ്ടറിലെ ചുവന്ന അക്കമായി നമ്മെ സന്തോഷിപ്പിക്കുന്നു.തന്റെ ജീവിതം കൊണ്ടു ,തന്റെ സ്നേഹം കൊണ്ടു ലോകത്തെ അമ്പരപ്പിച്ച, ലോകത്തെ മാറ്റിമറിച്ച ഒരാളിന്റെ പിറന്നാളിലൂടെ നാം വീണ്ടും കടന്നുപോകുന്നു.തന്റെ ജീവിതം കൊണ്ടു ലോകത്തിന്നു സന്ദേശം നല്കിയ അദ്ധേഹത്തെ നാം ഗാന്ധിയെന്ന് വിളിക്കുന്നു.ആദരിക്കുന്നുവെന്നു സ്വയം നടിക്കുന്നു. പക്ഷെ, പുതുതലമുറക്ക്‌ ,സ്വാതന്ത്ര്യാനന്തരതലമുരക്ക് കൈവിട്ടുപോയ പദമാകുന്നു ഗാന്ധി. കാരണം സ്വാതന്ത്ര്യത്തിന്റെ ഭൂമിയിലേക്ക് പിറന്നുവീണ ഒരാള്‍ക്കും ഗാന്ധിജിയുടെ വില മനസ്സിലാകില്ല. ഗാന്ധിസത്തിന്റെ പ്രസക്തി പിടികിട്ടുകയില്ല. കാരണം മൂല്യങ്ങള്‍ മാറിയിരിക്കുന്നു. സ്വാതന്ത്ര്യം എന്നവാക്കിന്റെ പൊരുള്‍ മാറിയിരിക്കുന്നു.നമ്മെ സംബന്ധിച്ചിടത്തോളം ഗാന്ധിജയന്തി എന്നത് ഒരു ആഘോഷം മാത്രമായിമാറിയിരിക്കുന്നു.

യാത്ര

2008-09-23T15:37:00.000+05:30

ഇന്നു ഞാന്‍ നടന്ന് എത്രയോ ദൂരം പിന്നിട്ടിരിക്കുന്നു. ഇരുള്‍ മൂടിയ ഈ യാത്രയില്‍ ,ഇന്നലെ നടന്നുനീങ്ങിയ ആ വഴിയിലേക്ക് ഞാന്‍ ഒന്നു തിരിഞ്ഞു നോക്കി. ആ ഇടവഴിയില്‍ ശാന്തിയുടെയും സമാധാനത്തിന്‍റെയും വെളിച്ചമുണ്ടായിരുന്നു. എന്നാല്‍ ഇന്നു ഞാന്‍ നടന്ന് നീങ്ങുന്ന ഈ വഴി എത്രയോ വലുതും വിശാലവുമാണ്‌ . പക്ഷെ ഞാന്‍ കാലുകള്‍ എടുത്തുവക്കുംതോറും ക്രുരതയുടെയും വഞ്ചനയുടെയും നിഴലുകള്‍ വഴിയില്‍ വീണുകിടക്കുന്നത് കാണുന്നു. "ഒരുപക്ഷെ നാളത്തെ ഇരുള്‍ മൂടിയ വഴികളിലൂടെ എനിക്ക് സഞ്ചരിക്കാനാകുമോ...?ആ വഴികളിലൂടെ എനിക്ക് നടന്ന് നീങ്ങാനകുമോ .....?
സുനിയ.പി. പി [എച്ച് വണ്ണ്‍ ]

കഥകളി ആസ്വാദനക്കളരി

2008-09-21T12:02:00.000+05:30

വിദ്യാരംഗം കാലാസതിത്യവേദി 'കഥകളി ആസ്വാദനക്കളരി ' നടത്തി. കോട്ടക്കല്‍ നന്ടകുമാരന്നയരും സംഘവുമാണ് കഥകളി അവതരിപ്പിച്ചത്.നളചരിതം രണ്ടാം ദിവസത്തെ കഥയായ "സകുനപ്പിഴതവജനിതം" ആണ് രംഗത്തെത്തിയത്‌.മലപ്പുറം ഡി.ഡി.ഇ ,കെ.സി.ഗോപി ചടങ്ങ് ഉല്‍ഘാടനം ചെയ്തു.പി.ടി.എ.പ്രസിഡണ്ട്‌ പെരുമ്പള്ളി അബ്ദുല്‍മജീദ്‌ ആധ്യക്ഷ്യംവഹിച്ചു.പ്രധാന അദ്ധ്യാപിക കൊച്ചുമണി ടീച്ചര്‍ ,വേണുഗോപാലന്‍ മാഷ് എന്നിവര്‍ സംസാരിച്ചു.